Germaniya U-17 Bundesligasida o\u02bbynayotgan yosh futbolchimiz haqida eshitganmisiz? Uning yutuqlari va faoliyati bo\u02bbyicha championat.asia sayti jurnalisti eksklyuziv intervyu tayyorladi.<\/p>\n
Tanishing, Shohjahon Xayrilloyev 2003-yilning 27-yanvar kuni Buxoro shahrida tug\u02bbilgan. Ampluasi hujumchi. Hozirda Germaniyaning \u201cKarlsrue\u201d U-17 jamoasida to\u02bbp tepmoqda. Germaniyaning \u201cKarlsrue\u201d jamoasi 2-divizionda ishtirok etadi. U o\u02bbtgan mavsum Germaniya 3-divizioni jamoasi safida 12 o\u02bbyinda 15 ta gol urgandi. 2020-yil yanvar oyida Shohjahon \u201cKarlsrue\u201d klubiga ko\u02bbchib o\u02bbtdi.<\/p>\n
\u2013 Assalomu alaykum Shohjahon. Qisqacha millionlar o\u02bbyiniga qanday kirganingizni aytib bersangiz.<\/strong><\/p>\n \u2013 Assalomu alaykum. Kichkinaligimdan futbolga bo\u02bblgan mehrim o\u02bbzgacha bo\u02bblgan. Hamma bolalar singari mahallada ko\u02bbcha changitib futbol o\u02bbynaganman. Keyinchalik esa murabbiyimiz Farhod Ne\u02bcmatovich qo\u02bbllarida futbol sir asrorlarini o\u02bbrganishni boshladim. Buxoro shahridagi \u201cSitora\u201d klubida ham to\u02bbp tepdim. 13 yoshimda esa \u201cBunyodkor\u201d akademiyasiga yo\u02bbl oldim. Akademiyada 4 yil futbolo\u02bbynadim. Keyinchalik O\u02bbzbekiston U-18 chempionatida ishtirok etdim. Jasur Jaloliddinov jamoadoshim edi. Keyinchalik u asosiy tarkibga yo\u02bbl oldi.<\/p>\n \u2013 Har bir futbolchi hayotida legioner bo\u02bblishni xohlaydi. Sizning Germaniyaga ketish tarixingiz qanday bo\u02bblgan?<\/strong><\/p>\n \u2013 Ha, har bir futbolchi hayotida legioner bo\u02bblishni, Yevropada o\u02bbynashni xohlaydi. Men ham Buxoroda o\u02bbynab yurgan kezlarim legioner bo\u02bblishni orzu qilganman va intilganman. \u201cBunyodkor\u201d tarkibidagi xalqaro musobaqalar esa bu orzuim amalga oshishi uchun yordam bergan. \u201cQaldirg\u02bbochlar\u201d tarkibida Qozog\u02bbiston, Rossiya davlatlarida o\u02bbtgan musobaqalarda yutuqlarga erishganman. Qozog\u02bbistondagi musobaqada \u201cEng yaxshi to\u02bbpurar\u201d bo\u02bbldim. 2018-yilda esa agentim orqali Germaniyaning 3-divizionidagi jamoaga kelib qo\u02bbshilganman. Jamoa tarkibida 12 ta o\u02bbyinda 15ta gol urishga muvaffaq bo\u02bblganman. Bundesliga jamoalari tarkibiga kirish juda qiyin. Shu uchun har bir o\u02bbyinda ko\u02bbproq gol o\u02bbrishga harakat qilganman. Shundan so\u02bbng, menga Bundesligadagi \u201cXoffenxaym\u201d, \u201cNyurnberg\u201d, Frankfurtning \u201cAyntraxt\u201d klublaridan va hozirgi jamoam \u201cKarlsrue\u201dda takliflar kelgan. Shu yilning yanvar oyida \u201cKarlsrue\u201d taklifini qabul qilib, shartnoma imzoladim va hozirda U-17 jamoasi tarkibida to\u02bbp tepmoqdaman.<\/p>\n \u2013 O\u02bbynayotgan klubingiz hamda u yerdagi sharoitlar, mashg\u02bbulotlar haqida aytib bersangiz?<\/strong><\/p>\n \u2013 \u201cKarlsrue\u201dU-17 jamoasidagi sharoitlar Bundesliga asosiy tarkibdagi sharoitlari bilan teng desam adashmagan bo\u02bblaman. Jamoada 6 nafar legioner futbolchilar bor. Ular Turkiya, Fransiya, Gretsiya davlatlaridan. Har bir futbolchiga o\u02bbzgacha e\u02bctibor. Mashg\u02bbulotlar juda qiziq va asosan futbolchilarning jismoniy holatini yaxshilashga qaratiladi. Doimo shifokorlar nazoratidamiz. O\u02bbyinlardan oldin va keyin tiklanish mashg\u02bbulotlarini bajaramiz. Sharoitlar juda ham zo\u02bbr. Germaniyada futbolni sevishadi. Biz yosh jamoa bo\u02bblsak-da, minglab muxlislar stadionga tashrif buyuradi.<\/p>\n \u2013 Pandemiya davrida futbol to\u02bbxtadi. Germaniya Bundesligasi esa qaytish arafasida. Sizlarda ahvol qanday?<\/strong><\/p>\n \u2013 Karantin paytida bir oy mashg\u02bbulot qilmadik. Lekin bu dam olish degani emas. Murabbiylarimiz reja asosida uyda individual mashg\u02bbulot olib bordik. Trenajyor zallarida shug\u02bbullandik, yugurish mashqlarini bajardik, umuman olganda to\u02bbpsiz ishladik. Hozirda esa mashg\u02bbulotlarga qaydik. 24 futbolchini 5 guruhga bo\u02bblishdi va oradagi masofa 2 metr bo\u02bblgan holda, 2 murabbiy, 5 ta futbolchi bitta maydonda mashg\u02bbulotlarni davom ettirmoqdamiz. Bundesliga 16-may kuni qaytadi. Lekin yoshlar Bundesligasi qachon boshlanishi noma\u02bclum. Hozirda kichik guruhlarda tayyorgarlikni davom ettirmoqdamiz.<\/p>\n \u2013 Sizni o\u02bbrganish davomida sizga Yevropaning bir qator nomdor klublaridan qiziqish bo\u02bblganligi haqida xabar topdim. Bularning orasida Turkiyaning \u201cGalatasaroy\u201d klubi ham bor ekan.<\/strong><\/p>\n \u2013 Ha, agentim orqali bir qator klublardan qiziqish bo\u02bblgani haqida eshitdim. Hozirda meni \u201cKarlsrue\u201djamoasi bilan 2 yillik shartnomam bor. Bu yerda usishda davom etmoqchiman va jamoamga yordam berishni istayman.<\/p>\n \u2013 O\u02bbzbekiston Superligasini kuzatasizmi?<\/strong><\/p>\n \u2013 Ha albatta. Asosan \u201cPaxtakor\u201d va \u201cBunyodkor\u201d ishtirokidagi o\u02bbyinlarni kuzataman. Bu yerdan farqli ularoq, o\u02bbzbek futbolchilarida jismoniy holat yuqori emas. Texnik tomondan esa ustun. Germaniyada futbolchilarning jismoniy tayyorgarligiga yuqori e\u02bctibor beriladi. Murabbiylar esa biz bilan individual tarzda ishlashadi.<\/p>\n \u2013 Qaysi futbol klubi muxlisisiz va sevimli futbolchinigiz kim?<\/strong><\/p>\n \u2013 \u201cBarselona\u201d muxlisiman. \u201cBarselona\u201dning o\u02bbyinlarini ko\u02bbrib katta bo\u02bblganman. Sevimli futbolchim esa Lionel Messi. Uning o\u02bbyinlaridan zavq olaman.<\/p>\n \u2013 Kelajakdagi rejalaringiz haqida…<\/strong><\/p>\n \u2013 Kelajakda rejalarim bisyor. Nasib etsa Germaniya Bundesliga eng kuchli jamoalarning asosiy tarkibiga kirish. Buning uchun tinmay mehnat qilishga harakat qilaman. Keyinchalik esa Angliya Premyer-ligasida to\u02bbp tepish va albatta O\u02bbzbekiston terma jamoasi tarkibida Jahon chempionatida o\u02bbynash eng katta orzum.<\/p>\n