Sergey Fomin Xitoydagi ITF M25 Qian Dao Hu turnirining absolyut chempioni bo‘ldi

Xitoyning Qian Dao Hu shahrida o‘tgan nufuzli ITF World Tennis Tour M25 Qian Dao Hu turnirida O‘zbekiston vakili Sergey Fomin yorqin natija ko‘rsatib, absolyut chempion — yakka hamda juftlik bahslarida g‘olib bo‘ldi.

Yakka bahs finali

Hal qiluvchi uchrashuvda Sergey Fomin (to‘rtinchi raqamli seviyali) belaruslik tennischi Mikalay Xalyakni 6:2, 6:1 hisobida ishonchli tarzda mag‘lub etdi.
Yo‘l-yo‘lakay Fomin turnirning birinchi raketkasi — xitoylik San Fay Zinni ham 6:3, 2:6, 6:4 hisobida taslim etib, butun musobaqa davomida xarakter va barqaror o‘yinni namoyish qildi.

Juftlik bahsi

Juftlik bahsida Fomin ispaniyalik Ignasi Forcano bilan birga harakat qildi va ular chempionlik unvonini qo‘lga kiritishdi. Finalda o‘zbek-ispan tandemi xitoylik juftlik Fay Zin Sun va Fnu Nidunzyantszanni 6:2, 6:4 hisobida mag‘lub etdi.

Turnir haqida

ITF M25 Qian Dao Hu (2025-yil 27-oktabr — 2-noyabr; qoplama — xard; mukofot jamg‘armasi — 30 000 AQSH dollari) musobaqasi Xitoy, Belarus, Ispaniya, Yaponiya, Hindiston va O‘zbekistondan kuchli tennischilarni jamladi. Sergey Fominning chiqishi O‘zbekiston tennisi darajasining izchil o‘sib borayotganini yana bir bor tasdiqladi.

O‘zbekiston Tennis Federatsiyasi matbuot xizmati