O‘zbekiston erkaklar terma jamoasi tennis bo‘yicha Devis kubogi Jahon guruhi II pley-off bosqichi doirasida Nigeriya terma jamoasiga qarshi bahsni yakunladi. Uchrashuv 7–8-fevral kunlari Lagos shahrida bo‘lib o‘tdi.   Birinchi o‘yin kunidan so‘ng hisob teng — 1:1 edi, biroq ikkinchi kuni mezbon jamoa hal qiluvchi ustunlikka erishib, qarama-qarshilikni o‘z foydasiga yakunladi. Yakuniy hisob — Nigeriya foydasiga 3:1.   Juftlik bahsida Denis Istomin va Humoyun Sultonov nigeriyalik Kanis Abua hamda Maykl Emmanuel juftligiga 7-6, 6-4 hisobida imkoniyatni boy berdi, yakkalik bahsida esa Ilya Ignatov Daniyel Adeleye ga 6-3, 6-4 hisobida mag‘lub bo‘ldi.   Devis kubogi erkaklar tennisidagi eng nufuzli jamoaviy turnirlardan biri hisoblanadi, unda har bir uchrashuv milliy sharaf uchun keskin kurash ostida o‘tadi.   O‘zbekiston terma jamoasi iroda va raqobatbardosh o‘yin namoyish etib, jamoaning keyingi rivoji uchun muhim bo‘lgan qimmatli xalqaro tajribaga ega bo‘ldi.       O‘zbekiston tennis federatsiyasi matbuot xizmati

O‘zbekiston erkaklar terma jamoasi ayni kunlarda Nigeriyaning Lagos shahrida o‘tayotgan Devis kubogida ishtirok etmoqda. Uchrashuvlar 7–8-fevral kunlari bo‘lib o‘tmoqda.   Pley-off bosqichining birinchi o‘yin kunida Abdulaziz Usmonjonov g‘alabaga juda yaqin keldi, biroq Daniyel Adeleye ga qarshi bahsda imkoniyatni boy berdi. Uchrashuv hisobi — 6–4, 2–6, 6–4.   Birinchi o‘yin kuni yakunlariga ko‘ra, O‘zbekiston va Nigeriya terma jamoalari o‘rtasidagi qarama-qarshilikda hisob teng — 1:1.   Devis kubogi erkaklar tennisidagi eng qadimiy va eng nufuzli jamoaviy turnir hisoblanadi. Uning qadri o‘ziga xos muhit va formatida bo‘lib, individual sport turini milliy sharaf uchun jamoaviy kurashga aylantiradi.       O‘zbekiston tennis federatsiyasi matbuot xizmati

O‘zbekiston vakilasi Keyra Kim yana xalqaro maydonda muvaffaqiyatli ishtirok etib, Nepaldagi ITF J60 Kathmandu turnirining ketma-ket ikkinchi bor finalchisiga aylandi.   Hal qiluvchi bahsda o‘zbekistonlik tennischi Janubiy Koreya vakilasi Sohyon Kimga qarshi kortga chiqdi. Birinchi set keskin kurashlar ostida o‘tdi va Keyra Kim 5–7 hisobida imkoniyatni boy berdi. Shundan so‘ng raqiba ikkinchi setda ham ustunlikni qo‘lga olib, uchrashuvni 6–0 hisobida yakunladi.   Yakkalikdagi muvaffaqiyatdan tashqari, o‘zbekistonlik tennischilar juftlik bahslarida ham o‘zlarini namoyon etishdi. Keyra Kim Yaponiya vakilasi Riko Shozui bilan juftlikda turnirning yarim final bosqichiga qadar yetib bordi. Shuningdek, Gonkonglik Xan Frida Siu bilan tandem hosil qilgan Emili Kim ham juftlik bahslarida yarim finalga chiqishga muvaffaq bo‘ldi.   J60 toifasidagi turnirlarda ketma-ket ikki bor yakkalik finaliga chiqish, shuningdek o‘zbekistonlik tennischilarning juftlik bahslarida yarim finalga yo‘l olishi ularning barqarorligi, yuqori darajadagi tayyorgarligi va xalqaro o‘smirlar maydonidagi ishonchli o‘sishini tasdiqlaydi. Kathmandu turniri tennischilar uchun muhim va samarali bosqich bo‘ldi.       O‘zbekiston tennis federatsiyasi matbuot xizmati

O‘zbekiston erkaklar terma jamoasi hozirda Nigeriyaning Lagos shahrida o‘tayotgan Devis kubogida ishtirok etmoqda.   Jahon guruhi II pley-off bosqichi doirasidagi birinchi o‘yin kunida Humoyun Sultonov raqibi Kanis Abua ustidan 6-3, 6-4 hisobida yorqin g‘alabaga erishdi.   Devis kubogi — erkaklar tennisi bo‘yicha eng yirik xalqaro jamoaviy musobaqa hisoblanadi. U 1900-yildan buyon har yili o‘tkazib kelinadi, 1979-yildan esa Xalqaro tennis federatsiyasi (ITF) homiyligida tashkil etiladi.       O‘zbekiston tennis federatsiyasi matbuot xizmati

O‘zbekistonlik tennischi Kamilla Raximova ispaniyalik Sara Sorribes Tormo bilan juftlikda Ruminiyaning Kluj-Napoka shahrida o‘tkazilgan WTA 250 turnirining juftlik bahslarida g‘alaba qozondi.   Final uchrashuvida Raximova va Sorribes Tormo Xitoy vakillari Sin’yuy Van hamda Saisay Chjen juftligiga qarshi kortga chiqib, ikki setda zafar quchdi. Birinchi set tay-brekda 7-6 (9-7) hisobida yakunlandi, ikkinchi setda esa o‘zbek-ispan dueti uchrashuvni ishonchli tarzda 6-3 hisobida g‘alaba bilan yakunladi.   WTA 250 toifasidagi turnirdagi ushbu titul Kamilla Raximova uchun muhim yutuq bo‘lib, uning jahon ayollar tennisi yuqori darajasidagi barqaror va muvaffaqiyatli ishtirokini yana bir bor tasdiqladi.       O‘zbekiston tennis federatsiyasi matbuot xizmati

O‘zbekistonlik tennischi Layma Vladson Turkiyada o‘tayotgan ITF W15 Antalya 3 Women xalqaro turnirining chorak final uchrashuvida mag‘lubiyatga uchradi.   Chorak final bahsida Layma Vladson italiyalik Anastasiya Bertachchiga qarshi g‘alabaga juda yaqin bo‘ldi, biroq 7-5, 4-6, 6-1 hisobida imkoniyatni boy berdi.       O‘zbekiston tennis federatsiyasi matbuot xizmati

O‘zbekistonlik tennischi Kamilla Raximova Ruminiyaning Kluj-Napoka shahrida o‘tayotgan WTA 250 turnirining juftlik bahslarida finalga chiqdi.   Kamilla Raximova ispaniyalik tennischi Sara Sorribes Tormo bilan juftlikda final yo‘llanmasini qo‘lga kiritdi. Ular yarim finalda Veronika Erjavets (Sloveniya) va Sara Rakotomananga Razaon Tiansoa (Fransiya) juftligini 6-2, 6-7, 11-9 hisobida mag‘lub etishdi.   Finalda Raximova va Sorribes Tormo Xitoy vakillari Sin’yuy Van hamda Saisay Chjen juftligiga qarshi kortga chiqadi.       O‘zbekiston tennis federatsiyasi matbuot xizmati

O‘zbekistonlik tennischi Kamilla Raximova Ruminiyaning Kluj-Napoka shahrida o‘tayotgan WTA 250 turnirining juftlik bahslarida yarim finalga chiqdi.   Raximova va ispaniyalik tennischi Sara Sorribes Tormo dueti chorak finalda sloveniya vakilasi Kaja Juvan hamda polshalik Maja Chvalinska juftligini 6-2, 6-3 hisobida mag‘lub etib, keyingi bosqichga yo‘l oldi.   Yarim finalda Raximova va Sorribes Tormo Veronika Erjavec (Sloveniya) hamda Sara Rakotomananga Rajaonah Tiansoa (Fransiya) juftligiga qarshi kortga chiqadi.       O‘zbekiston tennis federatsiyasi matbuot xizmati

O‘zbekiston vakilasi Layma Vladson Turkiyada o‘tayotgan ITF W15 Antalya 3 Women xalqaro turnirining ikkinchi bosqichida ishonchli g‘alabaga erishdi.   1/8 final uchrashuvida Layma Vladson germaniyalik tennischi Leone Shuknechtni 6-2, 6-0 hisobida mag‘lub etib, raqibasiga kambek uchun imkon qoldirmadi.   Keyingi bosqichda o‘zbekistonlik tennischi musobaqaning yarim finaliga chiqish uchun italiyalik Anastasia Bertacchi ga qarshi kortga chiqadi.       O‘zbekiston tennis federatsiyasi matbuot xizmati

O‘zbekistonlik tennischi Kamilla Rahimova Ruminiyaning Kluj-Napoka shahrida o‘tayotgan WTA 250 turnirida muvaffaqiyatli ishtirokini davom ettirmoqda.   Juftlik bahslarida Kamilla Rahimova ispaniyalik tennischi Sara Sorribes Tormo bilan birgalikda musobaqaning chorak finaliga chiqdi. Ikkinchi davra uchrashuvida duet Xitoy Taypeyi vakillari I Xuan Cho va Yi Tsen Choni 6-4, 6-2 hisobida mag‘lub etdi.   Chorak finalda Rahimova va Sorribes Tormo sloveniyalik Kaja Juvan hamda polshalik Maja Xvalinska juftligiga qarshi kortga chiqadi.   WTA 250 toifasidagi turnirlar professional turdagi nufuzli musobaqalar qatoriga kiradi, ularda kuchli xalqaro tarkib jamlanadi va tennischilarga muhim reyting ochkolarini qo‘lga kiritish imkoniyati yaratiladi. Kamilla Rahimovaning bunday darajadagi turnirdagi ishtiroki uning jahon ayollar tennisi yuqori darajasidagi barqaror o‘rnini yana bir bor tasdiqlaydi.       O‘zbekiston tennis federatsiyasi matbuot xizmati

O‘zbekiston erkaklar terma jamoasi tennis bo‘yicha Devis kubogining Jahon guruhi II pley-off uchrashuvida ishtirok etish uchun Nigeriyaga yo‘l oldi.   O‘zbekistonlik tennischilar Nigeriya terma jamoasiga qarshi bahs olib boradi. Uchrashuv 7–8 fevral kunlari Lagos shahrida bo‘lib o‘tadi va mavsumning muhim bosqichi hisoblanadi.   Mazkur bahs katta ahamiyatga ega: qarama-qarshilik g‘olibi keyingi yilda Devis kubogining Jahon guruhi I bosqichida ishtirok etish huquqini qo‘lga kiritadi, mag‘lub bo‘lgan jamoa esa Jahon guruhi II dagi o‘rnini saqlab qoladi.   O‘zbekiston terma jamoasi tarkibi: Humoyun Sultonov Ilya Ignatov Abdulaziz Usmonjonov Suxrob Saidov O‘yinchi-kapitan: Denis Istomin   Nigeriya terma jamoasi tarkibi: Daniyel Adeleye Kanis Abua Maykl Emmanuel Chenna Oparaoji Abubakara Yusuf Kapitan: Benson Achi Ishicheli     O‘zbekiston tennis federatsiyasi matbuot xizmati

O‘zbekistonlik tennischi Keyra Kim Nepalda bo‘lib o‘tgan ITF J60 Kathmandu xalqaro o‘smirlar turnirida finalga chiqdi.   Final uchrashuvida o‘zbekistonlik sportchi Janubiy Koreya vakili Sohyon Kimga 6–4, 4–2 hisobida mag‘lub bo‘ldi.   Hal qiluvchi bahsda mag‘lubiyatga qaramay, Keyra Kimning Katmandudagi ishtiroki ishonchli va samarali bo‘ldi: J60 toifasidagi turnir finaliga chiqishi uning yuqori salohiyati va xalqaro o‘smirlar maydonidagi barqaror o‘sishini tasdiqladi.     O‘zbekiston tennis federatsiyasi matbuot xizmati

O‘zbekistonlik tennischi Humoyun Sultonov Kuvaytda bo‘lib o‘tgan ITF M15 Zahra xalqaro turnirida g‘alaba qozonib, yakkalik bahslarida chempionlik unvonini qo‘lga kiritdi.   Final uchrashuvida Sultonov ishonchli o‘yin namoyish etdi va Shveysariya vakili Luka Shtayxeli ustidan yuqori tayyorgarlik, barqarorlik hamda jangovar ruhni ko‘rsatgan holda g‘alaba qozondi. O‘yin hisobi — 6–4, 6–2.   Zahradagi g‘alaba o‘zbekistonlik sportchi uchun muhim natija bo‘ldi.     O‘zbekiston tennis federatsiyasi matbuot xizmati

Juftlik bahslarining finalida o‘zbekistonlik tennischi Humoyun Sultonov fransiyalik Konstantin Bittun Kuzmin bilan juftlikda Turkiya vakillari Mert Ozdemir va Mert Naci Turkerga qarshi bahs olib bordi. Keskin kechgan uchrashuv uch set davom etdi va 5–7, 6–4, 6–10 hisobida yakunlandi.   Humoyun g‘alabaga juda yaqin bo‘ldi, u setlar hisobini tenglashtirishga muvaffaq bo‘ldi, biroq hal qiluvchi chempionlik tay-brekida omad raqiblar tomonida bo‘ldi.     O‘zbekiston Tennis Federatsiyasi matbuot xizmati

O‘zbekistonlik tennischi Humoyun Sultonov ITF M15 Zahra xalqaro turnirida muvaffaqiyatli ishtirok etib, yakkalik bahslarida musobaqa finaliga yo‘l oldi.   Yarim final uchrashuvida Sultonov Yevgeniy Karlovskiy ustidan ishonchli g‘alabaga erishdi — 7–6, 6–1. Birinchi set keskin kurashda tay-brekda yakunlandi, shundan so‘ng O‘zbekiston vakili ikkinchi setda o‘yinni to‘liq nazorat qildi.   Turnir finalida Humoyun Sultonov ikkinchi yarim final bahsi g‘olibiga qarshi chempionlik uchun kortga chiqadi.     O‘zbekiston Tennis Federatsiyasi matbuot xizmati