O‘zbekiston terma jamoalari final bosqich yo‘llanmasini qo‘lga kiritdi

Farg‘ona shahrida o‘tkazilgan ITF Asia 12 & Under Team Competition musobaqasining Markaziy Osiyo saralash bosqichi yakunlandi.

O‘zbekistonning o‘g‘il bolalar va qizlar terma jamoalari musobaqada muvaffaqiyatli ishtirok etib, ikkinchi o‘rinni egalladi. Final uchrashuvlarida har ikki jamoamiz Qozog‘iston terma jamoalariga imkoniyatni boy berdi.

Mazkur natija evaziga O‘zbekiston terma jamoalari musobaqaning Singapurda bo‘lib o‘tadigan final bosqichida ishtirok etish huquqini qo‘lga kiritdi.

Sportchilarimiz va murabbiylarimizni ushbu natija bilan tabriklaymiz hamda keyingi bosqichda omad tilaymiz!